注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

你无须叫我噤声

我自会保持沉默

 
 
 

日志

 
 

2016.11.17  

2016-11-18 00:16:43|  分类: 日子 |  标签: |举报 |字号 订阅

  下载LOFTER 我的照片书  |
原来一个星期...
会发生咁多嘅变故
虽然知道阿爸手术之后有出血
虽然知道阿爸个肝唔系咁好
虽然知道手术系有风险嘅
不过千算万算...
都算唔到会衰响寄生虫上面....
可能真系整定吧...

仲记得上次出血...
医生已经话手术已经系搏咯.
我仲记得个次我签名嘅时候..
只手一直响度震.
本来以为过咗个次,
就冇咩事..
会开始慢慢恢复
靠D诺其顶住
点知...
ICU当系大招嘅诺其.
都顶唔到好耐...
去买嘅时候,D人已经讲
一般人落4支
得就得,唔得就唔得.
已经用11支..
最后..
都系唔得..

前晚去完康城之后.
翻到屋企,接到阿妈电话.
即刻飞出广州..
响地铁站一直跑去市一..
怕赶唔到...
好彩.
最后都有赶到
当时佢仲有D意识
入去同佢讲嘢.
摸住佢额头
feel到佢点头嘅时候
真系忍唔住.
万幸,想讲嘅嘢
已经同佢讲晒
佢亦都有听到
个晚,ljk同lee,仲有L,
响屋企扑过离
其他人当时已经训觉,
否则佢地一定会一齐过离噶
好想同阿爸讲,
阿爸,我有咁嘅朋友,系未好叻仔?

前晚又出血,
医生虽然已经即刻打晒3支诺其落去
都系话可能过唔到个晚
虽然个晚算系平安过度
不过其实我已经大概feel到
系药物嘅作用...
所以都有先同其他人打底.
20个钟,
虽然系好短嘅时间
不过.
总算调整好自己嘅心态
毕竟..
屋企仲有3个女人要我睇住.
我仲唔可以lum低

琴日下午4点40.
心跳停咗..
虽然自己觉得已经做好晒心理准备
不过...
真系见到医生做最后努力嘅时候..
都系唔得...
5点10分.
半个钟.正式宣布.
当时出奇嘅冷静
毫无情绪波动咁处理晒当时嘅手续
一直到最后.
响太平间.
见到个几月前仲话我成日唔执好自己间房
10几日前仲买新衫话出院之后着
10几日前仲话好翻之后要同阿妈一齐去西藏
嘅老豆
就咁,训响太平间

扑街...
又落雨咯
嗯,一定系又落雨.

翻到宾馆之后
同阿妈 家姐倾阿爸嘅身后事
又有少少忍唔住.
不过绝对唔可以响佢地面前

一直到11点9
一条短信.
又搞到我有少少慌张
嗯,已经讲过好多次
只有 ,
随时随地,任何形式
甚至我都未讲..
佢就知道发生咩事
 话系间接知道
可能就系以为哩个blog吧..
 仍然知道我想点.
并且顾虑到我自己嘅感受
不过暂时仲未可以.
我怕一见到 ,
甚至一听到佢把声.
就会再撑唔到落去.
 一直都系我嘅死穴.
或者响所有事都搞掂之后
会稳佢当面好好咁倾下
讲一直以来,
想同 讲嘅嘢
想稳人倾诉嘅嘢
全部讲晒
好好咁软弱一次...
感觉只有响 面前,
先真系可以做到毫无顾忌,毫无伪装
因为所有嘅伪装,死顶
对 来讲,完全冇作用...
点解当时自己要咁样对一个对我咁好嘅人?
肯定系个脑入水..
如果有机会,我想补救
宜家更加坚定咗哩个想法
只系唔知道仲有冇咁嘅机会...
果然..
我仲系好钟意 .....

哩两日响屋企哩边搞掂晒所有嘢,
听晚应该就会出翻广州,
搞掂埋其他事
之后,
就算告一段落咯
宜家就系唔知道屋企嘅嫲嫲可唔可以接受到哩个事实...
本来都算处理得可以,
点知三姑姐一下子就将其他人嘅努力隐瞒全部白费
宜家嫲嫲个边唯有见步行步咯

公司个边
有小伙伴佢地帮手顶住
好多谢佢地嘅支持同理解
应该12月吧.
12月应该会重新开工

嗯,今晚就写住咁多先吧..
虽然仲有其他嘢想写,
不过..
都系下次先吧.

Wish you good night and sweet dreams,
  评论这张
 
阅读(5)| 评论(0)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017